Türkiyənin Van vilayətindəki Qapıköy sərhəd-keçid məntəqəsi İran və Türkiyə arasında ticarəti asanlaşdırmaq üçün yük maşınlarının ikitərəfli hərəkətinə başlayıb.
TinNews-un məlumatına görə, Van Ticarət və Sənaye Palatası (Van TSO) İran rəsmiləri ilə aparılan danışıqlardan sonra Saray rayonundakı Qapıköy sərhəd-keçid məntəqəsində yük maşınlarının hərəkətinin birtərəflidən ikitərəfliyə keçdiyini açıqlayıb. Palatanın sədri Necdet Takva bildirib ki, Qərbi Azərbaycan vilayətinin rəhbərliyi türk yük maşınlarının bu keçid vasitəsilə İrana daxil olmasına icazə verib. Bu addımın sərhəd ticarətinin inkişafına və iki qonşu ölkə arasında iqtisadi əlaqələrin gücləndirilməsinə töhfə verəcəyi gözlənilir.