İran İslam Respublikası Dəmir Yollarının baş direktoru Şərqi Azərbaycan əyalətində gündəlik yük qatarlarının sayının 43-ə çatdığını açıqlayıb.
İran Dəmir Yollarının baş direktoru Cabbar Əli Zakiri bildirib ki, Şərqi Azərbaycanda gündəlik yük qatarlarının sayı 16-17-dən 43-ə yüksəlib. Bu artım əyalətin dəmir yolu şəbəkəsinin istismar imkanlarının genişləndiyini göstərir. Özəl sektorun iştirakına toxunan Zakiri, Təbriz Neft Emalı Zavodu da daxil olmaqla sənaye müəssisələrini dəmir yolu şəbəkəsinə birləşdirəcək yeni xətlərin planlaşdırıldığını qeyd edib. Eyni zamanda, Türkiyə ilə dəmir yolu əlaqələrini asanlaşdırmaq üçün Razi sərhəd stansiyasında infrastrukturun inkişafı layihəsinə başlanılıb. Layihə çərçivəsində stansiya xətlərinə iki kilometr əlavə edilərək sərhəd keçid imkanlarının artırılması nəzərdə tutulur.