وەزیری ڕێگەوبان و شارسازی ئێران لە کۆبوونەوەی وەزیرانی گواستنەوەی ئیکۆ جەختی لەسەر پێویستی گۆڕینی ڕێککەوتنەکان بۆ بەرنامەی کردەیی و دابینکردنی ئاسایشی ژێرخانەکانی گواستنەوە کردەوە.
لە چواردەیەمین کۆبوونەوەی وەزیرانی گواستنەوەی ڕێکخراوی هاریکاری ئابووری (ئیکۆ) لە کازاخستان، فەرزانە سادق داوای هەڵسەنگاندنی وردی ڕێککەوتنەکانی پێشوو و دیاریکردنی ئاستەنگە کردەییەکانی کرد. ناوبراو جەختی لەوە کردەوە کە پاراستنی ژێرخانەکانی گواستنەوە بەرژەوەندی هاوبەشی هەموو ئەندامانە.
سادق هەروەها ئاسانکاری بۆ هاتووچۆی جادەیی، کەمکردنەوەی کاتی وەستانی بارهەڵگرەکان و پەرەپێدانی هاوکارییەکانی شەمەندەفەری بە لەپێشینەی کارەکان زانی. ناوبراو ئاماژەی بە توانای ستراتیژی بەندەری چابەهار کرد و جەختی لەسەر گرنگی بەستنەوەی ئەم بەندەرە بە تۆڕی شەمەندەفەری بۆ دەستڕاگەیشتنی وڵاتانی بێ دەریا بە ئاوە کراوەکان کردەوە.