İranın Yol və Şəhərsalma naziri Özbəkistana səfəri çərçivəsində quru və dəmir yolu tranzitinin asanlaşdırılması və regional dəhlizlərin inkişafı üçün birgə komitənin yaradılması barədə razılığa gəlib.
İranın Yol və Şəhərsalma naziri Fərzanə Sadiq Özbəkistana səfəri zamanı nəqliyyat imkanlarının yaxşılaşdırılması, malların giriş-çıxışı ilə bağlı çətinliklərin aradan qaldırılması və yük maşını sürücülərinin hərəkətinin asanlaşdırılması məsələlərinə diqqət yetirib. Danışıqlar nəticəsində dəmir yolu və avtomobil nəqliyyatı ilə yükdaşımaların asanlaşdırılmasına dair razılaşmalar əldə olunub ki, bu da ticarət mübadiləsinin inkişafına kömək edəcək. İran, Özbəkistan və regionun digər ölkələri arasında dəhliz əlaqələrini canlandırmaq və gücləndirmək üçün birgə komitənin yaradılması qərara alınıb. Quru yolu əməkdaşlığı ilə yanaşı, uçuşların sayının artırılması və hava əlaqələrinin inkişafı məsələləri də müzakirə edilib.